Փետրվարի 11-ից 25-ը Թուրքիայի Անթալիա քաղաքում նախատեսված ուսումնամարզական հավաքի ընթացքում Գյումրիի «Շիրակին» կմիանա Սենեգալի երիտասարդական հավաքականի կենտրոնական պաշտպանը: Ֆուտբոլիստի անունը առայժմ չի հաղորդվում, տեղեկացնում է NEWS.am Sport-ը:Հիշեցնենք, որ Հայաստանի բաձրագույն խմբի ընթացիկ առաջնության առաջատարի կազմը համալրելու է նաև Քենիայի հավաքականի հարձակվող Ջորջ Օդիամբուն, ով նույնպես «Շիրակին» կմիանա Անթալիայում:Հիշեցնենք, որ «Շիրակում» շարունակում է փորձաշրջան անցնել գանացի պաշտպան Սամուել Կյերեն, իսկ երեկ թիմին են միացել այս մրցաշրջանում «Շիրակում» արդեն վարձավճարով խաղացած կիսապաշտպան Դամ Դիոպը և նիգերիացի հարձակվող Պրինս Նակեն:
|
